ଦୁଷ୍କର୍ମ ପାଇଁ ମହିଳାମାଙ୍କ ଛୋଟ ପୋଷାକ ଦାୟୀ:ଇମ୍ରାନ୍ ଖାଁ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଦେଶରେ ଯୌନ ନିର୍ଯ୍ୟାତନା ବଢିବାର କାରଣ ହେଉଛି ମହିଳା ମାଙ୍କର ସଂକ୍ଷିପ୍ତ ପୋଷାକ ପଧାନ | ପାକିସ୍ତାନର ପ୍ରଧାନମନ୍ତ୍ରୀ ଇମ୍ରାନ୍‌ ଖାଁ ଏଭଳି ମନ୍ତବ୍ୟ ଦେଇ ତୀବ୍ର ସମାଲୋଚନାର ଶିକାର ହୋଇଛନ୍ତି । ‘ଏକ୍ସିଅସ୍‌ ଅନ୍‌ ଏଚ୍‌ବିଓ’ ସହ ସାକ୍ଷାତ୍‌କାର ଅବସରରେ ଇମ୍ରାନ୍ ଖାଁ କହିଛନ୍ତି, ଯଦି ନାରୀମାନେ ଛୋଟ ପୋଷାକ ପରିଧାନ କରିବେ, ପୁରୁଷମାନଙ୍କୁ ତାହା ପ୍ରଭାବିତ କରିବ, ପୁରୁଷମାନେ ତ ଆଉ ରୋବୋଟ୍‌ ନୁହନ୍ତି। ଏଇଟା ସାଧାରଣ ଜ୍ଞାନ। ଦୁଷ୍କର୍ମ ଓ ଯୌନ ନିର୍ଯ୍ୟାତନ ମାମଲା ପ୍ରତିରୋଧ ପାଇଁ ତାଙ୍କ ସରକାର କି, ପଦକ୍ଷେପ ଗ୍ରହଣ କରିଛନ୍ତି ବୋଲି ପଚରାଯିବାରୁ ସେ ଉପରୋକ୍ତ ମନ୍ତବ୍ୟ ଦେଇଛନ୍ତି। ବିରୋଧୀ ନେତା ଏବଂ ସାମ୍ବାଦିକମାନେ ସମାଲୋଚନା କରିବାରୁ ଇମ୍ରାନ୍‌ ଖାଁଙ୍କର ଏଭଳି ମନ୍ତବ୍ୟ ସାମାଜିକ ଗଣମାଧ୍ୟମ ଜରିଆରେ ବଡ଼ ଅସନ୍ତୋଷର କାରଣ ହୋଇଛି। ଦକ୍ଷିଣ ଏସିଆ, ‘ଇଣ୍ଟର୍‌ନ୍ୟାସ୍‌ନାଲ୍‌ କମିସନ୍ ଅଫ୍ ଜୁରିଷ୍ଟ୍‌’ର ଆଇନଗତ ପରାମର୍ଶଦାତା ରୀମା ଓମେର ଟୁଇଟ୍‌ କରି ଲେଖିଛନ୍ତି, ପାକିସ୍ତାନରେ ‌ଯୌନ ହିଂସାର କାରଣ ନିମନ୍ତେ ପୁନର୍ବାର ପୀଡ଼ିତାଙ୍କୁ ଦାୟୀ କରି ପ୍ରଧାନମନ୍ତ୍ରୀ ଇମ୍ରାନ ଖାଁ ଦେଇଥିବା ମନ୍ତବ୍ୟ ଶୁଣି ହତାଶ ଏବଂ ଘୃଣା ଜର୍ଜରିତ ହୋଇଗଲି। ସ୍ମରଣଯୋଗ୍ୟ, ପାକିସ୍ତାନରେ ଯୌନ ହିଂସା ମାମଲା ବୃଦ୍ଧି ପାଇଁ ନାରୀମାନଙ୍କର ଅଶାଳୀନତା ଦାୟୀ ବୋଲି କ୍ରିକେଟ୍‌‌ ଖେଳାଳିରୁ ରାଜନେତା ହୋଇଥିବା ଇମ୍ରାନ୍‌ ଖାଁ ଗତ ଏପ୍ରିଲ୍‌ ମାସରେ କହିଥିଲେ। ଏଭଳି ମନ୍ତବ୍ୟ ପାଇଁ ତାଙ୍କ ଠାରୁ କ୍ଷମା ଦାବି କରି ଶହ ଶହ ଲୋକ ଏକ ବିବୃତି-ପତ୍ରରେ ସ୍ବାକ୍ଷର କରିଥିଲେ।