ଗ୍ୟାଙ୍ଗ୍‌ଷ୍ଟରକୁ ଗୁଳିକରି ହତ୍ୟା…..

ରିପୋର୍ଟ କାର୍ଡ / ନୂଆଦିଲ୍ଲୀ

ଉତ୍ତରପ୍ରଦେଶରେ ଗ୍ୟାଙ୍ଗ୍‌ଷ୍ଟରକୁ ଗୁଳିକରି ହତ୍ୟା ହୋଇଥିବା ସୂଚନା ମିଳିଛି । ଅଦାଲତ ପରିସରରେ ଆଇନଜୀବୀ ବେଶରେ ଆସି ଜଣେ ଯୁବକ ଗ୍ୟାଙ୍ଗଷ୍ଟର ସଞ୍ଜୀବ ଜୀଭାକୁ ଗୁଳି କରିହତ୍ୟା କରିଛି । ବିଜେପି ନେତା ବ୍ରହ୍ମା ଦତ୍ତ ତ୍ରିବେଦୀଙ୍କ ହତ୍ୟାମାମଲାରେ ସଞ୍ଜୀବ ଅଭିଯୁକ୍ତ ଥିଲା । ସଞ୍ଜୀବକୁ ହତ୍ୟା କରିଥିବା ଯୁବକର ଚିହ୍ନଟ ହୋଇସାରିଛି । ସଞ୍ଜୀବ ଜିଭା ମୁଜାଫର ନଗରର କୁଖ୍ୟାତ ଅପରାଧୀ ଥିଲା । ସେ ପ୍ରଥମେ ଏକ ଔଷଧ ଦୋକାନରେ କମ୍ପାଉଣ୍ଡର ଥିଲା । ସେହି ସମୟରେ ସେହି ଦୋକାନ ମାଲିକକୁ ଅପରହଣ କରିଥିଲା । ପରେ କଲିକତାର ଜଣେ ବେପାରୀଙ୍କ ପୁଅକୁ ଅପହରଣ କରି ଦୁଇ କୋଟି ଟଙ୍କା ନେଇଥିଲା । ପରେ କୃଷ୍ଣାନନ୍ଦ ରାୟ ହତ୍ୟା ମାମଲାରେ ଅଭିଯୁକ୍ତ ଥିଲା । ମାତ୍ର ତାକୁ ଜାମିନ ମିଳିଯାଇଥିଲା । ବିଭିନ୍ନ ସମୟରେ ଜେଲ୍‌ରେ ରହି ସେ ତା ଗ୍ୟାଙ୍ଗ ସହାୟତାରେ ଅପରାଧ କରୁଥିଲା ।