ଲୋକଙ୍କ ଉପରେ ଖସି ପଡ଼ିଲା ବଡ଼ ମ୍ୟୁଜିକ୍ ସିଷ୍ଟମ…..

ରିପୋର୍ଟ କାର୍ଡ / ନୂଆଦିଲ୍ଲୀ

ମା’ ଦୂର୍ଗାଙ୍କ ଭସାଣିରେ ନାଚୁଥିବା ଲୋକଙ୍କ ଉପରେ ଖସି ପଡ଼ିଲା ବଡ଼ ମ୍ୟୁଜିକ୍ ସିଷ୍ଟମ। ଏଭଳି ଅଘଟଣ ଘଟିଛି ଉତ୍ତରପ୍ରଦେଶର ଆଜମଗଡ଼ରେ | ୪ଜଣ ଆହତ ହୋଇଥିବା ଜଣାପଡ଼ିଛି। ଘଟଣା ଘଟିବା ସମୟର ଏକ ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହୋଇଛି | ଯେଉଁଥିରେ ଗାଡ଼ି ଉପରେ ରଖାଯାଇଥିବା ମ୍ୟୁଜିକ ସିଷ୍ଟମ ଲୋକଙ୍କ ଉପରକୁ ଖସି ପଡ଼ୁଛି। ପୋଲିସ ସୂଚନାନୁସାରେ, ଫୁଲପୁର ସହରରେ ଏହି ଘଟଣା ଘଟିଛି ଏବଂ ଏହାକୁ ନେଇ ଏକ ମାମଲା ରୁଜୁ କରାଯାଇଛି। ମ୍ୟୁଜିକ୍ ସିଷ୍ଟମ ନେଇ ଯାଉଥିବା ଗାଡି ଡ୍ରାଇଭର ଓ ଶୋଭାଯାତ୍ରାର ଆୟୋଜକଙ୍କ ବିରୋଧରେ ମାମଲା ରୁଜୁ ହୋଇଛି। ଏହି ଘଟଣାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବା ସହ ଅନେକ ଲୋକଙ୍କ ପ୍ରତିକ୍ରିୟା ପ୍ରକାଶ ପାଇଛି।