ବିଜେପି ପ୍ରତିଷ୍ଠା ଦିବସ: ଦଳୀୟକର୍ମୀଙ୍କୁ ଶୁଭେଚ୍ଛା, ବିରୋଧୀଙ୍କୁ ଟାର୍ଗେଟ୍‌ କଲେ ପ୍ରଧାନମନ୍ତ୍ରୀ ମୋଦି….

ରିପୋର୍ଟ କାର୍ଡ / ନୂଆଦିଲ୍ଲୀ

ଭାରତୀୟ ଜନତା ପାର୍ଟିର ୪୧ତମ ପ୍ରତିଷ୍ଠା ଦିବସ ଅବସରରେ ଆଜି ଦଳର କାର୍ଯ୍ୟକର୍ତ୍ତାଙ୍କୁ ସମ୍ବୋଧିତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଦଳୀୟକର୍ମୀଙ୍କୁ ଶୁଭେଚ୍ଛା ଜଣାଇଥିବା ବେଳେ, ବିରୋଧୀଙ୍କୁ ଟାର୍ଗେଟ୍‌  କରିଛନ୍ତି ପ୍ରଧାନମନ୍ତ୍ରୀ ମୋଦି | କହିଛନ୍ତି କି ବିଜେପି ଗଠନ ଦିଗରେ ମହାପୁରୁଷମାନଙ୍କ ନିଷ୍ଠା ଏବଂ ଦେଶଭକ୍ତି ଅନନ୍ୟ । ବିଜେପି କେବଳ ନିର୍ବାଚନ ଜିତିବା ମେସିନ୍‌ ନୁହେଁ, ଆମକୁ ସବୁ ସମ୍ପ୍ରଦାୟର ସମର୍ଥନ ମିଳୁଛି । ‘କାର୍ଯ୍ୟକର୍ତ୍ତାଙ୍କ ଦୃଢ ମନୋବଳ, ଦେଶ ଭକ୍ତିକୁ ନେଇ ବିଜେପି ଗତ ୪୧ ବର୍ଷ ହେଲା ଆଗକୁ ବଢିଚାଲିଛି । ଦେଶର ପ୍ରତି ରାଜ୍ୟର କୋଣ ଅନୁକୋଣରେ ବିଜେପି କାମ ଜାରି ରଖିଛି । ଯେଉଁମାନେ ବିଜେପିର ଘୋର ବିରୋଧୀ ସେମାନଙ୍କୁ ମଧ୍ୟ ଦଳ ସମ୍ମାନ କରେ ।’ ବିରୋଧୀଙ୍କୁ ‌ମୋଦି କହିଛନ୍ତି, ‘ ନାଗରିକତା ସଂଶୋଧନ ବିଲ ଏବଂ କୃଷି ଆଇନକୁ ନେଇ ଲୋକମାନଙ୍କୁ ଭ୍ରମିତ କରାଯାଉଛି । ଏହା ପଛରେ ଷଡଯନ୍ତ୍ର ରଚାଯାଇଛି ଏବଂ ରାଜନୖତିକ ଅସ୍ଥିରତା ସୃଷ୍ଟି କରାଯିବାକୁ ଉଦ୍ୟମ କରାଯାଉଛି ।’ ମୋଦି କହିଛନ୍ତି, ‘ବିଜେପି ମହାତ୍ମା ଗାନ୍ଧିଙ୍କ ବିଚାରକୁ ଆଧାର କରି ସମାଜରେ ଥିବା ଶେଷ ବ୍ୟକ୍ତି ନିକଟରେ ଯୋଜନାଗୁଡିକୁ ସଫଳତାର ସହ ପହଞ୍ଚାଇବାକୁ ଚାହୁଁଛି । ଦେଶରେ କ୍ଷୁଦ୍ର ଚାଷୀଙ୍କୁ ସେମାନଙ୍କ ଲାଭ ପହଞ୍ଚାଇବା ଦଳର ଲକ୍ଷ୍ୟ । ଆଗକୁ ମଧ୍ୟ ବିକାଶ କାର୍ଯ୍ୟ ତ୍ବରିତ ଢଙ୍ଗରେ ଜାରି ରହିବ ବୋଳି ପ୍ରଧାନମନ୍ତ୍ରୀ କହିଛନ୍ତି ।’