ମହାନତା ଦେଖାଇଲେ ଅଟୋ ଚାଳକ

ସତରେ କଣ ଆଜିର ସମାଜରେ ମଣିଷ ପଣିଆ ଲୋପ ପାଇଗଲାଣି କି । ଏକଥା ଆମେ ଏଇଥି ପାଇଁ କହୁଛୁ ଯେ ରାସ୍ତାରେ ରକ୍ତା ହୋଇ ପଡିଥିବା ଯୁବକକୁ କିଏ ଉଦ୍ଧାର ନକରି ନିଜ ରାସ୍ତାରେ ଦେଖିନଦେଖିଲା ଭଳି ପାଳାଇଯାଉଛନ୍ତି । ହେଲେ ଜଣେ ଅଟୋ ଚାଳକ ଏଠି ସବୁ କିଛି ଭୁଲି ନିଜର ମହାନତା ଦେଖାଇଥିବା ଜଣାପଡିଛି । ରାଜଧାନୀର ଦୟାନଦୀ ରାସ୍ତା ଡକରେ ପଡିଥିଲେ ଏହି ଯୁବକ । ଯୁବକ ଜଣଙ୍କ ରାସ୍ତାରେ ମର୍ମୁଷ ଅବସ୍ଥାରେ ପଡିଥିବା ବେଳେ ଲୋକେ ଦେଖି ନଦେଖିଲା ଭଳି ହେଉଥିଲେ । ସତେ ଜେମିତି ମଣିଷ ପଣିଆ କାହାର ନଥିଲା । ଏହି ସମୟରେ ସ୍ମାର୍ଟସିଟି ଅନଲାଇନ ଅଟୋ ଚାଳକ ସଂଘର ଜଣେ ଅଟୋ ଚାଳକ ନିଜ ଘରକୁ ଅଟୋ ନେଇ ଫେରୁଥିବା ବେଳେ ଘଟଣାକୁ ଦେଖି ନିଜର ମାନବିକାତା ଦେଖାଇଥିଲେ । କିଛି ବୁଝିବା ଆଗରୁ ରାସ୍ତା ଉପରେ ରକ୍ତ ଜୁଡୁବୁଡୁ ହୋଇ ପଡିଥିବା ଯୁବକଙ୍କୁ ତୁରନ୍ତ ଉଦ୍ଧାର କରିଥିଲେ । ଅଟୋରେ ବସିଥିବା ଯାତ୍ରାଙ୍କୁ ଓହ୍ଲାଇ ଯୁବକ ଜଣଙ୍କୁ ନିଜ ଅଟୋରେ ବସାଇ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରିଥିଲେ । ଏପରିକି ହସ୍ପିଟାଲରେ ସମସ୍ତ ପ୍ରକାର ସୁବିଧା ଯୋଗାଇ ଦେଇଥିଲେ । ପରେ ଯୁବକଙ୍କ ପରିବାର ଲୋକଙ୍କୁ ଯୋଗାଯୋଗ କରିବା ସହ ଗାଡିଚାବି, ମୋବାଇଲ ଫୋନ ତାଙ୍କ ଭାଇଙ୍କୁ ହସ୍ତାନ୍ତର କରିଥିଲେ । ସ୍ମାର୍ଟ ସିଟି ଅନଲାଇନ ଗ୍ରୁପର ଏଭଳି ମହାନତା କାର୍ଯ୍ୟ ପାଇଁ ସବୁ ମହଲରୁ ପ୍ରଶଂସାର ସୁଅ ଛୁଟୁଛି ।