ରାଜ୍ୟରେ ଆଉ ୩୧୦ କରୋନା ରୋଗୀ ସୁସ୍ଥ…..

ରିପୋର୍ଟ କାର୍ଡ / ଭୁବନେଶ୍ୱର

ଆଜି ରାଜ୍ୟରେ ଆଉ ୩୧୦ ଜଣ କରୋନା ସଂକ୍ରମିତ ସୁସ୍ଥ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ଏଯାଏଁ ମୋଟ ୩ ଲକ୍ଷ ୩୯ ହଜାର ୨୦୦ ଜଣ ସୁସ୍ଥ ହୋଇସାରିଲେଣି । ଏ ନେଇ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟ୍ବିଟ୍‌ ଯୋଗେ ସୂଚନା ପ୍ରଦାନ କରାଯାଇଛି । ଗୁରୁବାର ସୁସ୍ଥ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ନୂଆପଡାରୁ ସର୍ବାଧିକ ୫୮ ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି । ସେହିଭଳି ସୁନ୍ଦରଗଡରୁ ୩୮, ଖୋର୍ଦ୍ଧା ୨୬, ମୟୂରଭଞ୍ଜ ୧୯, ବରଗଡ ଓ ଗଞ୍ଜାମରୁ ୧୮, କଟକଓ ସମ୍ବଲପୁରରୁ ୧୭, ଝାରସୁଗୁଡା ୧୫, କଳାହାଣ୍ଡି ୧୩, ବଲାଙ୍ଗିର ୧୦, ଅନୁଗୁଳ ୯, ଯାଜପୁର ୭, ବାଲେଶ୍ବର, ପୁରୀ, କୋରାପୁଟ ଓ ରାୟଗଡାରୁ ୬, ସୋନପୁର ୪, ଭଦ୍ରକ, ନବରଙ୍ଗପୁର, ନୟାଗଡରୁ ୩, ଜଗତସିଂପୁର ଓ କେନ୍ଦ୍ରପଡାରୁ ୨ ଜଣ ଲେଖାଏଁ ଏବଂ ଷ୍ଟେଟ୍‌ ପୋଲରୁ ୪ ଜଣ ସୁସ୍ଥ ହୋଇଛନ୍ତି ।