କଂଗ୍ରେସ-ଆପ ଉପରେ ବର୍ଷିଲେ ପ୍ରଧାନମନ୍ତ୍ରୀ, ବିଭାଜନକାରୀ,ବିଚ୍ଛିନ୍ନତାବାଦୀ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପଞ୍ଜାବ ଅବୋହରରେ ନିର୍ବାଚନୀ ଜନସଭାକୁ ସମ୍ୱୋଧିତ କରିଛନ୍ତି। ଏହି ସମୟରେ ପ୍ରଧାନମନ୍ତ୍ରୀ ଆମ ଆଦମୀ ପାର୍ଟି ଏବଂ କଂଗ୍ରେସ ଉପରେ ବର୍ଷିଛନ୍ତି । କହିଛନ୍ତି, ଏହା ସାଧାରଣ ନିର୍ବାଚନ ନୁହେଁ ବରଂ ଏହି ନିର୍ବାଚନ ରାଜ୍ୟର ବର୍ତ୍ତମାନ ଏବଂ ଭବିଷ୍ୟତ ଗଠନ ପାଇଁ । ମୁଖ୍ୟମନ୍ତ୍ରୀ ଚନ୍ନୀଙ୍କ ବିହାର ଏବଂ ୟୁପି ବୟାନର ଉଲ୍ଲେଖ କରି ପ୍ରଧାନମନ୍ତ୍ରୀ କହିଛନ୍ତି କଂଗ୍ରେସର ଚିନ୍ତାଧାରା ବିଭାଜନକାରୀ ଏବଂ ବିଚ୍ଛିନ୍ନତାବାଦୀ । କଂଗ୍ରେସ ଲୋକଙ୍କ ମଧ୍ୟରେ ଭେଦଭାବ ସୃଷ୍ଟି କରେ । ସେହିପରି ଆପ ମୁଖ୍ୟ ଅରବିନ୍ଦ କେଜ୍ରିୱାଲଙ୍କୁ ନେଇ କବି କୁମାର ବିଶ୍ୱାସଙ୍କ ଅଭିଯୋଗର ଉଲ୍ଲେଖ କରି ପ୍ରଧାନମନ୍ତ୍ରୀ କହିଛନ୍ତି, ତାଙ୍କର ପୁରୁଣା ସହଯୋଗୀ ଯେଉଁ ଅଭିଯୋଗ ଆଣିଛନ୍ତି ତାହା ଅତ୍ୟନ୍ତ ଗମ୍ଭୀର । ମୋଦୀ କହିଛନ୍ତି, ଏହି ସମସ୍ତ ରାଜନୈତିକ ଦଳର ଏଜେଣ୍ଡା ପାକିସ୍ତାନର ଏଜେଣ୍ଡା ସହ ସମାନ। ମତଦାନ ସମୟରେ ଲୋକେ ଏହି ସବୁ କଥା ମନେ ରଖିବା ଜରୁରୀ ବୋଲି ସେ କହିଛନ୍ତି।